1 Կ’ասեն թէ Ահա մէկ մարդ որ արձակէ իր կնոջը, եւ նա նորանից գնայ, եւ մի ուրիշ մարդի կին դառնայ, ա մի՞թէ մարդը էլի նորա մօտ կ’դառնայ. բ մի՞թէ այն երկիրը բոլորովին չէր պղծուիլ. Բայց դու, գ թէեւ շատ հոմանիների հետ ես շնացել, դ էլի դէպի ինձ ետ դարձիր, ասում է Տէրը։ 2 Բարձրացրու աչքերդ դէպի ե բլուրները եւ տես, դու ո՞րտեղ չես պոռնկութիւն արել. զ ճանապարհներին նստել էիր նորանց համար ինչպէս Արաբացին՝ անապատումը, եւ է երկիրը պղծեցիր քո պոռնկութիւններովն ու չարութիւններովը։ 3 Եւ ը անձրեւները խափանուեցան, եւ վերջի անձրեւը չ’եղաւ, բայց թ դու մի պոռնիկ կնկայ ճակատն ունեցար. Մէկ կողմ ես դրել ամաչելը։ 4 Ահա այսուհետեւ դու ինձ կանչելու ես՝ Ով հայրս, դու ես ժ իմ երիտասարդութեան մտերիմը։
5 ի Միթէ յաւիտեան պիտի բարկանայ ու բարկութիւնը միշտ պահէ. Ահա քո խօսածը, եւ չարութիւնը անում ես եւ կարողանում։
6 Եւ Տէրն ասեց ինձ Յովսիա թագաւորի օրերումը. լ Տեսա՞ր ինչ որ արաւ ապստամբ Իսրայէլը, նա գնաց խ ամեն բարձր սարի վերայ եւ ամեն կանաչ ծառի տակ եւ պոռնկուեցաւ այնտեղ։ 7 Եւ ես ասում էի՝ ծ Այս ամենը անելուց յետոյ ետ կ’դառնայ դէպի ինձ, բայց նա ետ չ’դարձաւ. Եւ նորա խաբեբայ կ քոյր Յուդան էլ տեսաւ։ 8 Եւ ես տեսայ որ երբ այս ամենի համար, որ հ ապստամբ Իսրայէլը պղծութիւն արաւ, ձ նորան արձակեցի եւ արձակման թուղթ տուի նորան, ղ նորա խաբեբայ քոյրը Յուդան չ’վախեցաւ, եւ գնաց ու ինքն էլ շնացաւ։ 9 Եւ եղաւ որ նորա շնութեան լրբութիւնովը ճ երկիրը պղծուեցաւ, եւ նա պղծութիւն գործեց մ քարի հետ եւ փայտի հետ։ 10 Բայց այսու ամենայնիւ էլ նորա խաբեբայ քոյր Յուդան դէպի ինձ չ’դարձաւ յ բոլոր սրտովը. Այլ ստութիւնով, ասում է Տէրը։
11 Եւ Տէրն ինձ ասեց՝ ն Ապստամբ Իսրայէլն արդարացնում է իր անձը խաբեբայ Յուդայից աւելի։ 12 Գնա եւ կանչիր այս խօսքերը շ դէպի հիւսիս եւ ասիր՝ Ետ դարձիր, ով ապստամբ Իսրայէլ, ասում է Տէրը. Ես չեմ թափիլ իմ բարկութիւնը ձեզ վերայ, որովհետեւ ես ո ողորմած եմ, ասում է Տէրը, չեմ բարկանալ յաւիտեան։ 13 չ Միայն թէ ճանաչիր քո անօրէնութիւնը, որ ապստամբուեցիր քո Տէր Աստուծոյ դէմ, եւ սփռեցիր պ քո ճանապարհները ջ օտարների առաջին ռ ամեն կանաչ ծառի տակ, եւ իմ ձայնին չ’լսեցիք, ասում է Տէրը։ 14 Դարձէք, ով ապստամբ որդիք, ասում է Տէրը, որովհետեւ ես եմ ձեր վերայ տիրողը, եւ ես ձեզ առնեմ՝ ս քաղաքից մէկին, եւ ազգատոհմից՝ երկուսին, եւ ձեզ տանեմ Սիօնը։ 15 Եւ ձեզ վ հովիւներ տամ իմ սրտի համեմատ, եւ նորանք հովուեն ձեզ տ գիտութիւնով եւ իմաստութիւնով։ 16 Եւ երբոր դուք շատացած եւ աճած կ’լինիք այն երկրումն այն օրերը, ասում է Տէրը, այլ եւս չեն ասիլ՝ Տիրոջ ուխտի տապանակը, եւ ր նա միտք չի ընկնիլ, եւ նորան չեն յիշիլ ու չեն ուզիլ. Եւ այլ եւս չեն շինիլ։ 17 Այն ժամանակ Երուսաղէմը կ’կոչեն՝ Տիրոջ աթոռ, եւ նորա վերայ պիտի ժողովուին բոլոր ազգերը ց Տիրոջ անունի համար Երուսաղէմումը. Եւ ւ այլ եւս չեն գնալ իրանց չար սրտի կամակորութեան ետեւից։ 18 Այն օրերը պիտի գնան փ Յուդայի տունը Իսրայէլի տան հետ, եւ միասին պիտի գան ք հիւսիսային երկրից այն երկիրը, որ ես ժառանգեցրի նորանց հայրերին։ 19 Բայց ես ասում էի. Քեզ ի՜նչպէս կ’դնէի որդկանց հետ, եւ կ’տայի քեզ օ ցանկալի երկիրը՝ ազգերի զարդարանքների զարդի ժառանգութիւնը. Եւ ասում էի. Դու ֆ «Իմ հայրս» կ’կանչէիր ինձ, եւ իմ ետեւից ետ չէիր դառնալ։ 20 Սակայն յիրաւի ինչպէս որ մի կին անհաւատարիմ կ’լինի իր մարդին, դուք նոյնպէս և անհաւատարիմ եղաք ինձ, ով Իսրայէլի տուն, ասում է Տէրը։
21 ա Մի ձայն է լսվում բլուրների վերայ՝ Իսրայէլի որդկանց ողորմելի լացը. Որ նորանք ծռել են իրանց ճանապարհը, մոռացել իրանց Տէր Աստուծուն։
22 բ Ետ դարձէք, ով ապստամբ որդիք. գ ես կ’բժշկեմ ձեր ապստամբութիւնները։
22 Ահա մենք գալիս ենք դէպի քեզ, որովհետեւ դու ես մեր Աստուածը, ով Տէր։ 23 Յիրաւի սուտ էր դ բլուրներից՝ սարերի շատութիւնից բան յուսալը. Որովհետեւ ե Տէր Աստուածանից է Իսրայէլի փրկութիւնը։ 24 Եւ զ ամօթը կերել է մեր հայրերի մանկութիւնից վաստակածը՝ նորանց հօտերը եւ նորանց արջառները։ 25 Մենք պառկում ենք մեր ամօթովը, եւ մեր անարգանքը ծածկում է մեզ. Որովհետեւ մեր Տէր Աստուծոյ դէմ մեղանչեցինք՝ մենք եւ մեր հայրերը է մեր մանկութիւնից մինչեւ այսօր. Եւ ը չ’լսեցինք մեր Տէր Աստուծոյ ձայնին։
Երեմիա 3